NEWYDDION
Gwasanaeth am ddim i atal galwadau gwerthu dros y ffôn ddigroeso a llythyrau sothach

Cael eich trafferthu gan alwadau gwerthu dros y ff ô n ddigroeso? A yw llythyrau sothach yn jamio eich blwch llythyrau? Ych chi yn derbyn negeseuon testun neu e-bost nad oes gennych ddiddordeb ynddynt? Darllenwch ymlaen am gymorth ar sut i atal nhw.

Galwadau Gwerthu Dros y Ffôn
Mae galwadau gwerthu dros y ffôn digroeso, i naill ai eich llinell ffôn tŷ neu ffôn symudol, yn achosi llawer o boen i ddefnyddwyr. Mae’r Telephone Preference Service yn bodoli er mwyn i ddefnyddwyr gofrestru eu manylion ar gyfer peidio derbyn y mathau yma o alwadau. Wnaiff o ddim atal nhw yn gyfan gwbl, mae cwmnïau rydych yn trafod busnes gyda hwy yn rheolaidd dal yn medru cysylltu â chi, ond mi wnaiff o leihau’r galwadau yn sylweddol. Mae cofrestru gyda’r TPS am ddim, ac mae modd cofrestru ar y We drwy ddilyn y linc isod. Byddwch yn ymwybodol a gofalus o gwmnïau preifat sydd yn cynnig yr un gwasanaeth ond sydd yn codi tal unigryw neu flynyddol.
The Telephone Preference Service, DMA House, 70 Margaret Street, London, W1W 8SS
Ffôn: 0845 0700707 Gwefan: www.tpsonline.org.uk
Fe all gymryd i fyny at 28 diwrnod i’r galwadau ffôn leihau. Os ydych yn derbyn galwad gwerthu dros y ffon ddigroeso yn y cyfnod hwn, darganfyddwch gyfeiriad i’r galwr a gyrru llythyr gyda’r danfoniad wedi’i gofrestru yn dymuno iddynt beidio â chysylltu â chi. Cynghorwch y cwmni y bydd unrhyw alwadau pellach yn cael eu hadrodd yn ôl i’r Telephone Preference Service (TPS).
Os ydych yn dal i dderbyn y galwadau wedi’r 28 diwrnod, mae modd gwneud cwyn i’r TPS, nail ai drwy ffonio neu drwy fynd ar eu gwefan, ble mae modd cwblhau ffurflen cwyn. Yna mi fydd y TPS yn ymchwilio i mewn i’r gwyn. Mae’r cwynion wedyn yn cael eu trosglwyddo i’r Information Commissioner's Office yn www.informationcommissioner.gov.uk a all benderfynu gorfodi’r rheoliadau.